पुणे : अवघ्या महाराष्ट्राचे लाडकं व्यक्तिमत्त्व म्हणजे पु. ल. देशपांडे. १२ जून हा पुलंचा स्मृतिदिन. यानिमित्त पु. ल. कुटुंबीय, कोहिनूर ग्रुप प्रस्तुत आशय सांस्कृतिक आणि स्क्वेअर वन यांच्या वतीने बालगंधर्व रंगमंदिरात सकाळी नऊ ते ११ या वेळेत ‘एक पुलकित सकाळ’ या कार्यक्रमाचे आयोजन करण्यात आले आहे. या वेळी कवी मंगेश पाडगावकर यांच्या लेखणीतून उतरलेली आणि पुलंच्या संगीताने सजलेली ‘बिल्हण’ ही संगीतिका सादर करण्यात येणार आहे.
स्वानंदी क्रिएशनची निर्मिती असलेल्या या संगीतिकेच्या सादरीकरणात गायक संजीव चिम्मलगी, अपर्णा केळकर, केदार केळकर, नेहा गुरव, नीरज गोडसे यांच्यासह मिलींद गुणे, प्रसाद जोशी, आदित्य आपटे आणि अमर ओक सहभागी होणार आहेत.
या कार्यक्रमाला प्रमुख पाहुण्या म्हणून ९२ व्या साहित्य संमेलनाच्या अध्यक्ष डॉ. अरुणा ढेरे उपस्थित राहणार आहेत. ज्येष्ठ लेखिका मंगला गोडबोले, महाराष्ट्र साहित्य परिषदेचे कार्याध्यक्ष प्रा. मिलींद जोशी आणि कोहिनूर ग्रुपचे मुख्य व्यवस्थापकीय संचालक कृष्णकुमार गोयल यांची विशेष उपस्थिती असेल.
कार्यक्रमाविषयी :
एक पुलकित सकाळ
स्थळ : बालगंधर्व रंगमंदिर
दिवस व वेळ : बुधवार, १२ जून २०१९, सकाळी ९ ते ११.
